Azaroan Euskeraren Jatorria Elkarteak 6 katiluetako bildumaren berri eman zuen, Arabako Foru Aldundiari honako hau eskatzeko: grafito bat berme guztiak eskainiko dizkigun Europako laborategi batean datatzea.
Dagoeneko 1.400 euro jaso dira saltzen ari diren katiluei esker eta zenbait norbanakoek eta enpresa batek emandako diruari esker.
Katiluen eskaera gehiago egin daitezke (euskararenjatorria@gmail.net) eta helburua martxoa baino lehen behar den dirua jasotzea da. Gero Arabako kultura diputatuari baimena eskatu egingo zaio eta ukatuz gero, Arabako Batzar Nagusietan egingo dugu eskaera.
Eskerrik asko zuon laguntzagatik!
——————————————————————————————–
Une honetan grafitoak faltsuak direla dioten 7 txosten daude baina 24 txosten, irizpen eta gutun (2) egiazkoak izan daitezkeela diotenak:
http://euskararenjatorria.net/?p=2236
Bilduman jaso diren testuak:
– lura (lurra), sua
– urdin x izar
– eda(n), ian (jan), lo
– neu Veleia Gorin bizi na (naiz)
– Geure ata (aita) zutan (zeruetan)
– Veleian oso lagun Marcus
Kanpainan laguntzeko bi modu daude:
a) Katiluren bat erosi (bakoitzak 15 € balio du eta seiko bilduma osoa 80). Katiluak erosteko:
- Araban: Nonbait dendan (Andra Mari Zuriaren plaza)
- Gainerako lekuetan eskatu euskararenjatorria@gmail.com-en bidez
b) Edo diru ekarpen txiki bat zuzenean kontu honetan egiten (e-posta jarrita, kanpainaren informazioa helaraziko dizugu)
- Laboral Kutxa: Iruña-Veleia Datazioak oraintxe
- 3035-0038-96-0380086410
Igandea, 2. Azaroa 2014
Egun on:
Barkatu hain “estua” izateagatik baina…
Diozue: katilua lortu nahi izatera, Araban halako tokian, Gipuzkoan eta Bizkaian, emailez… Kontxo, ta Nafarroatik ezin dugu eskatu? Edo Baionatik, adibidez?
Euskararen jatorria ahantzi al zaio Euskararen Jatorria Elkarteari?
Freud-ek adituko baliguke…
Asteartea, 4. Azaroa 2014
Antton,
Ez zara “estua”, ez horixe, baina ez pentsatu EAEkerietan jausi garenik.
Kontua da katilu bakoitzak daukan marjin osoa datazioen aldeko kontura joan dadin, Bilboaldean eta Donostialdean jendeari zuzenean emateko elkarteko pertsona batzuk baditugula (bidalketa gasturik egon ez dadin), ez ordea Iruñaldean. Horregatik da. Hala ere, ikusiko dugu nola konpondu eta, zuzendu dugu testua.
Mila esker.
Asteartea, 4. Azaroa 2014
Ulertzekoa da. Eta dena kritika izan ez dedin, hara, neu arduratuko nintzateke Iruñaldera ekartzen eta lekuren batean uzten (Karrikiri elkartean edo…), eskaleek jaso dezaten.
Ongi baderitzozue.
Goian duzuen korreora idatziko dizuet, neure emaila emanaz eta elkarren berri izateko.
Iparraldean ?
Ostirala, 7. Azaroa 2014
Gernikera ekarteko aukerarik ala Bilbora joan behar da batzera?
Astelehena, 24. Azaroa 2014
Bai ederrak dira!!!!!!!!!!!!Izugarri gustatzen zaizkit!!! Eskerrikasko!!!! Ideia bikaina!!!!! Zorionak!!!!!!!
Atzo gauean estrenatu nituen kalabaza krema batekin, bero-bero mantentzen dute
Ostirala, 26. Abendua 2014
Bai. oraindino esne zopak hartu behar ditut, Aliziak bezala, katiluotan. Zorotzat hartu naien? Ez, oraindino Veleiako barriren barri ez dakiten zorokilei aditzen emoteko baiño.