Hilabete honetan webgunean lekua eskaini behar diogu Kataluniari. Estatu bat sortzen ari da eta lortzea espero dugu, gaur egun herri batek bere hizkuntzari eta gauza asko gehiagori eusteko ezinbesteko egitura delako.
Gaur hiru elkarretaratzeak 12:00etan Bilboko Arriagan, Gasteizko Andramari Zurian eta Donostiako Bulebarrean. 16an Gure Eskuren manifestazioa Bilbon. Badira gauza askoz gehiago dago:
Ascatasunera plataformak Kataluniako autodeterminazio eskubidea babesteko hilabete honetan hiru hiriburutan egingo diren hainbat ekitaldi aurkeztu ditu:
Badator #asCATasunera
Gasteiz Irailak 11-15
Iruñea Irailak 13-22
Donostia Irailak 20-24. Karpa erraldoia Intxaurrondon eta bertan hitzaldia, musika, bazkaria…
https://twitter.com/ascatasunera
Kataluniako prozesu independentista azken txanpan dagoen honetan, askatasuneranzko bide horri gure begirune eta babes osoa erakusteko Euskal  Herriko hainbat herritar bildu gara. Eredugarria da hainbat eta hainbat herritar    katalanek hartutako adorea, irudimena eta konpromisoa, eta bidearen bururaino  irits daitezen gure laguntza eta maitasuna bidali nahi dizkiegu Euskal Herritik.    Gaur egungo testuinguruan estatu burujabea da herri batek askatasuna   eskuratzeko duen aukera eraginkorrena, hots, independentzia. Kataluniak hartu   du bere bidea, eta hori babestu eta ospatzeko sortu dugu AsCATasunera herri ekimena.
Gu ere askatasun egarriak mugitzen gaituelako. Eta Euskal Herriarentzat askatasuna nahi dugun bezala, munduko herriek euren etorkizuna euren eskuetan  har dezaten nahi dugulako, baita Kataluniak ere. Hurbil daukate haiek eguna: urriaren lehena. Eta espainiar estatuko agintari zein komunikabideek esaten    dutena esaten dutela, askatasunari ateak irekiko dizkion erreferenduma egin  egingo dutela ziur gaude gu. Horixe ospatzeko elkartu gara. Erreferenduma eta askatasuna gero eta hurbilago dauzkatela ospatzeko.
Euskal Herritik Kataluniara bidalitako babesa ere herritarra izatea nahi dugu, ordea. Eta horretarako festa eta aldarrikapena uztartuko dituzten AsCATasunera  asteak antolatu ditugu irailerako Gasteizen(11tik15era), Iruñean (13tik22ra) eta Donostian (20tik 24ra). Askotariko ekitaldiak antolatu ditugu aste horietan:  hitzaldiak, bideo emanaldiak, musika, kontzertuak, pailazoak, Herrialde Katalanetako jan eta edanak…
Iruñeko programa
Donostia-Intxaurrondoko programa
