Maiatzean Irungo Ficoban egindako biltzarrean, Dennis J. Stanford eta Bruce A. Bradley ikerleei entzuteko aukera egon zen. Ikerle hauen iritziz, solutrense garaian, orain dela 22.000-15.000Â urte, izotzak Europa eta Iparramerika lotuta zegoen garaian, baliteke Bizkaiko Golkotik abiatutako jendea Iparramerika kolonizatzea.
Hipotesi horren oinarria besteak beste AEBko Virginia estatuan aurkitutako arkaitzez egindako hainbat tresna izan dira, Europako solutrense garaikoen ia berdin-berdinak.
Hipotesi hori liburu batean jaso dute orain “Across Atlantic Ice” eta dagoeneko Amazonen-en salgai dago. Liburuari buruz, iraileko Muy interesante aldizkarian artikulu luze bat egin dute, gaia nahiko ondo laburtzen duena. Artikuluan gutxitan entzun dugun kontzeptu berri bat dakar: kronorrazismoa, hau da hainbat jendek gure arbasoez duten ikuspegi eskasa, ezer egiteko gauza ez zirela uste zutenen pentsamendua.
Informazioa Kaliforniako Unibertsitatean
Osteguna, 27. Iraila 2012
Muy Interesanteko artikulua eskuragarri hemen http://es.scribd.com/doc/107157786
Osteguna, 27. Iraila 2012
Muy Interesanteko artikulua eskuragarri
hemen http://es.scribd.com/doc/107157786